trabzonning machka nahiyesige jaylashqan sümela monastirida 10 – nöwetlik diniy murasim ötküzüldi
türkiyediki muhim étiqad merkezlirining biri bolghan sümela monastirida «meryem anining kökke kötürülüsh küni» dep qobul qilinidighan murasim, ortodokislar teripidin fener rum patriki bartoloméwning riyasetchilikide ötküzüldi.
türkiye awazi radiyosi xewiri: trabzongha jaylashqan sümela monastirida «meryem anining kökke kötürülüsh küni» dep qobul qilinidighan murasim ötküzüldi.
murasimda, xiristiyan diniy zatlar dua we qesidiler oqudi. murasimgha, nurghun sanda ortodokislar qatnashti.
sümela monastiri we xarabilikide murasim sewebidin küchlük bixeterlik tedbirliri yolgha qoyuldi.
fener rum patriki bartolomow sözligen nutiqida yéqinqi 10 yil ichide monastirdiki murasimlargha riyasetchilik qilishtin tolimu sherep hés qilidighanliqini bildürüp: «jumhur reis rejep tayyip erdoghangha, bolupmu bizning bu yerde bolushimizgha yardem qilghan ichki ishlar ministirimizgha, medeniyet we sayahet ishliri ministirimizgha, waliy we yerlik bashqurghuchilargha minnetdarliqimizni bildürimiz. ziyaritimiz jeryanida zörür bolghan tedbirlerni yolgha qoyghan saqchi xadimlirigha rehmet éytimiz. bügün biz ular üchünmu dua qilduq» dédi.
