wanda 3 hujriliq urartu qebrisi tépildi

türkiye awazi radiyosi xewiri: wan muzéyi idarisi mudiri fatih ereb bilen wan yüzinchi yil uniwérsitéti edebiyat fakultéti arxéologiye bölümi bashliqi piroféssor doktor rafet chawushoghluning rayonda tarixiy yadikarliqlarni tetqiq qilish xzmiti dairiside, ilgiri wan kölining süyining tartilishi netijiside otturigha chiqqan uratulargha tewe ibadet rayonigha yéqin jaydin 3 hujriliq urartu qebrisi tépildi.

doktor rafet chawushoghlu bilen fatih ereb söngek we sapal buyumlar tépilghan rayonda tekshürüp, tetqiq qilish xizmitini qanat yaydurdi.

rafet chawushoghlu rayonda urartular dewrige tewe muhim qurulushlarning éniqlanghanliqi üstide toxtilip: «urartu dewrige ait klassik dromoslar (yeni qebrining kirish éghizigha qoyulghan isim) bilen kirgili bolidighan bu qebrining asasliq chong hojrisining ong we sol teripide ikki kichik hujrisi bar, ölüklerge sowgha teqdim qilinidighan 3 yer tépildi. tash qiyaliq ichige oyulghan hujra qebrisi urartularning klassik alahidilikini ekis ettürüp béridu. uzunghiche ishlitilgenlikini tilgha élishqa bolidu» dédi.

piroféssor doktor rafet chawushoghlu bu qebrining urartu binakarliqi jehettiki muhim yadikarliq ikenlikini tekitlep: «bu biz tunji qétim körgen hujriliq qebre, bizge nisbeten muhim bolghini qebrining 3 hujridin teshkil tapqanliqi, kirish éghizi üstide töt chasa sheklide ikki boshluqning barliqi we buning ölüklerge sowgha, suyuqluq teqdim qilidighan yer ikenlikidur» dédi.