türkiye 2023 - yilini intayin qizghinliq bilen kütüwaldi
puqralar yéngi yilni sheher meydanlirida her xil paaliyet we konsértlar bilen kütüwaldi.
türkiye awazi radiyosi xewiri: erzurumda minglighan yerlik we chet ellik méhmanlar mesheller bilen qar téyilish we étilghaq étish bilen yéngi yilgha qedem qoydi.
türkiyening eng muhim qishliq sayahet merkezlirining biri bolghan erjiyés qar téyilish merkizidimu yerlik we chet ellik sayahetchiler yéngi yildin ilgiri kéchide meshel yéqip qar téyildi.
yéngi yilni tebriklesh paaliyetliride selbiyliktin saqlinish üchün etretlermu estayidilliq bilen xizmet qildi.
bolu, mughla, newshehir we bashqa nurghun sheherlerde puqralar konsért we yéngi yil paaliyetliri bilen kechkiche köngül achti.
istanbulliqlar we sayahetchilermu taqsim meydani we istiqal kochisida yéngi yilni xushalliq bilen kütüwaldi. meydangha yighilghan kishiler tetür sanashtin kéyin 2023-yiligha qizghinliq bilen qedem qoydi.
puqralar paytext enqerediki eng awat jaylarning biri bolghan qizilay meydanida 2023 - yilining kélishini tebriklidi. puqralar meydanda ussul oynash we naxsha éytish arqiliq 2023 - yilining deslepki minutlirini kütüwaldi. yoldiki mashinilarmu kanay chélip tebriklesh paaliyetlirige tengkesh qildi.
