gollandiyede hazirqi zaman türk seniti tonutushturuldi
gollandiyede hazirqi zaman türk senitini tonutush meqsitide uyushturulghan we kishiler alahide qiziqishini qozghighan «Aura/Contemporary Turkish Art» körgezmisini 15 kün ichide texminen 1600 senet heweskari ziyaret qildi.
türkiye awazi radiyosi xewiri: lehey shehiridiki pulchri studiyisi senet merkizide musteqil senet fondi jemiyiti teripidin uyushturulghan we 3 – dékabirda échilishi ötküzülgen körgezmige senet dunyasida aldinqi orunda turidighan we oxshimighan téxnikiliri bilen közge körüngen 18 türk ressamning xususy, resm we seplesh qatarliq 80 senet esiri körgezme qilindi.
türkiye - gollandiye medeniyet munasiwetlirini hazirqi zaman seniti arqiliq tézlitish we ikki dölet otturisidiki dostluq köwrükini kücheytishni meqset qilghan bu körgezme 1 - yanwarghiche ziyaretchilerge ochuq bolidu.
körgezme tükiye medeniyet we sayahet ishliri ministirliqi, yunus emre instituti, türkiye sayahetni ilgiri sürüsh we tereqqiy qildurush orgini, istanbul tereqqiyat uniwérsitéti, T-Artlog , CitySan we Ikbal ning qollishi bilen uyushturulmaqta.
«awra/ hazirqi zaman türk seniti» körgezmisi senet heweskarliri bilen uchrashturulghan pulchri studiyesi senet merkizide, kündilik ziyaretchilerning sani ruyxetke élinmaqta.
