misirda rim impériyesi dewrige ait butxana tépildi
misirning sina yérim arilida miladidin ilgiriki 30-yildin miladidin kéyinki 395-yilghiche bolghan ariliqta döletni bashqurup kelgen rim impériyesi dewrige ait bir butxanining qalduqliri tépildi.
türkiye awazi radiyosi xewiri: misir sayahet ministirliqining resmiy féysbuk bétide mesilige dair bayanat élan qilindi.
bayanatta, misir arxéologlirining xizmiti netijiside, rim impériyisi dewride ilah dep qobul qilinghan zéus kassiyusqa tewe butxanisining qalduqlirining otturugha chiqirilghanliqi bildürüldi.
bayanatta, butxanining rayonda ilgiri yüz bergen yer tewresh sewebidin weyran bolghanliqi toghrisidiki uchurladin bashqa yene, butxanining kirish éghizida uzunluqi 8 métir kélidighan ikki granit tash tüwrük we bir nechche tash tosuqning barliqi bildürüldi.
bayanatta 1910-yili firansiye arxéologliri bayqighan qedimki yunan yazmilirida butxanining mewjutluqining tilgha élinghanliqi, emma butxanining taki bügünge qeder tépilmighanliqi heqqidiki uchurlarghimu alahide orun ajritildi.
butxanini burunqi halitige oxshash shekilde qayta bina qilish xizmitining bashlanghanliqi élan qilindi.