«17-féwral dunya müshükler küni»de, wan müshüki ziyaretchilerning qiziqishini qozghidi
xaraktéri we jismaniy alahidiliki bilen aldinqi orungha chiqqan dunyagha dangliq wan müshüki «17-féwral dunya müshükler küni»de ziyaretchilerning qiziqishini qozghidi.
türkiye awazi radiyosi xewiri: müshüklerning qéyinchiliqlirigha diqqetlerni tartish we tonush peyda qilish üchün ötküzüliwatqan «17-féwral dunya müshükler küni»de, wan 100 – yil uniwérsitéti wan müshüki tetqiqat merkizidiki wan müshükliri yerlik we chet ellik sayahetchilerning zor qiziqishini qozghidi.
sézimchanliqi, dostaneliqi, yipektek yumran aq qilliri, shirdek méngishi we perqliq köz renggi bilen wan shehirining eng muhim kültür bayliqlirining biri bolghan wan müshükliri, hemmining söygisige ériship kelmekte.
wan müshüklirini körüsh üchün uniwérsitét qorusidiki «müshük dachisi» gha kelgen sayahetchiler müshüklerni söyüp, ular bilen resimge chüshti.
istanbulda 2019-yili ötküzülgen «xelqaraliq xushal müshükler musabiqisi»gha merkezdin qatnashqan wan müshüki, dunya chémpiyoni bolup tallanghan idi.