b d t her yili 18 - noyabirni «xelqara islam senet küni» élan qildi

türkiye awazi radiyosi xewiri:  b d t maarip, ilim-pen we medeniyet teshkilati «UNESCO» teripidin élan qilinghan yazma bayanatta, 40 - nöwetlik omumiy yighinda maqullanghan qarargha binaen, her yili 18 - noyabirning «xelqara islam senet küni» süpitide tebriklinidighanliqi, bügünki künde islam dinining senet sahesi we islam seniti arqiliq medeniyetke qoshqan töhpisi heqqide tonushni ashurush nishan qilinghanliqi bildürüldi.

«xelqara islam senet küni» ning bashqa senet heriketlirige ilham béridighanliqi we medeniyetler ara yéqinlishishni righbetlendüridighanliqi ilgiri sürülüp, islam senitining zor qiziqish qozghaydighanliqi uqturulghan bayanatta yene, dunya miqyasida 18-noyabirning tebriklinishining kültür köp xilliqigha, pikir erkinlikige, medeniyet miraslirigha we medeniyetler ara alaqige töhpe qoshidighanliqi tekitlendi.

bayanatta, b d t maarip, ilim-pen we medeniyet teshkilati «UNESCO» ning hemmeylenni «xelqara islam senet küni» ge töhpe qoshushqa chaqirghanliqi jakarlandi.

b d t maarip, ilim-pen we medeniyet teshkilati «UNESCO»ning bash dériktori awdréy azulaymu bayanatida, islam senitining dawamliq özini yéngilap, dunyadiki bashqa barliq kültürlerge tesir körsitishni dawamlashturup kelgenlikini tekitlidi.

awdréy azulay «xelqara islam senet küni» ning 14 - esirde tarqalghan bu pewquladde mirasni tebriklesh üchün élan qiilghanliqini eskertip, islam senet tarixining téximu yaxshi tonulishi kéreklikini tekitlidi.