imran xan pakistanda «dirilish ertughrul» ning ramizanda tarqitilishqa bashlighanliqini chüshendürdi
imran xan dölet téléwiziye qanili PTV da ramizan éyida tarqitilidighan türkiye köp qisimliq téléwiye tiyatiri «dirilish ertughrul» ning pakistan yashlirigha nisbeten islam tarixini we qimmet qarashlirini öginishte paydiliq bolidighanliqini éytti.
türkiye awazi radiyosi xewiri: pakistan bash ministiri imran xan paytext islamabadata «YouTube» dangdarliri we filim ishligüchiler bilen ötküzgen uchrishishida, türkiye radiyo - téléwiziye idarisi (TRT) teripidin ishlengen we körüsh rékortini buzup tashlighan köp qisimliq téléwiye tiyatiri «dirilish ertughrul»ning islam kültürini we tarixini namayan qilip béridighan intayin qiziqarliq filim ikenlikini éytti.
imran xan holliwod (Hollywood) we bolliwod (Bollywood) filimlirining pakistanning aile qurulmisi bilen kündilik turmishigha ziyan yetküzidighanliqini tekitlidi.
pakistan dölet téléwiziye qanili PTV «dirilish ertughrul»ning pakistanda tarqitish hoquqigha érishken we awaz bérish xizmetlirini tamamlap, ramizan éyining birinchi küni körsitishni bashlighan idi.
«dirilish ertughrul» her küni üch qétim pakistan dölet téléwiziye qanili PTV da tarqitilidu , her küni bir yéngi bölüm körsitilidu we ikki qétim tekrarlinidu.
