perwerdigarimiz! biz özimizge özimiz zulum qilduq

türkiye awazi radiyosi: eraf sürisi, 23 – 30 – ayetler. ular: perwerdigarimiz! biz özimizge özimiz zulum qilduq, eger sen bizge meghpiret qilmisang, bizge rehim qilmisang, biz choqum ziyan tartquchilardin bolimiz›› dédi[23]. allah éytti: ‹‹siler bir ـ biringlargha (yeni sheytan insangha, insan sheytangha) düshmen bolghan halda chüshünglar, ejilinglar pütkenge qeder yer yüzide turisiler we uningdin paydilinisiler››[24]. allah éytti: ‹‹yer yüzide yashaysiler, yer yüzide ölüsiler, (qiyamet küni) yene yer astidin chiqirilisiler››[25]. i adem baliliri! silerge biz heqiqeten ewritinglarni yapidighan libasni we zinnetlinidighan libasni chüshürduq, teqwadarliq libasi eng yaxshidur, ene shular (yeni insan balilirigha setri ewret üchün libas yaratmaq) ularning ibret élishi üchün allahning (bendilirige bolghan pezli ـ merhemitini körsitidighan) alametliridindur[26]. i adem baliliri! sheytan silerning ata ـ ananglarni (azdurup) jennettin chiqiriwetkendek, silernimu azdurmisun, sheytan ularning ewretlirini özlirige körsitish üchün kiyimlirini salghuzuwetken idi (yeni ularning yalingach bolup qélishigha sheytan sewebchi bolghan idi). sheytan we uning qol astidikiliri silerni köreleydu, siler ularni körelmeysiler, shübhisizki, biz sheytanlarni iman éytmaydighanlarning dosti qilduq[27]. ular (yeni mushriklar) birer yaman ishni qilghan chaghlirida: ‹‹ata ـ bowilirimizning mushundaq qilghanliqini körgen iduq, allah biznimu shundaq qilishqa buyrughan›› deydu. (i muhemmed! ulargha) éytqinki, ‹‹allah (bendilirini) heqiqeten yaman ishqa buyrumaydu, özliringlar bilmeydighan nersilerni allah namidin yalghan éytamsiler?››[28]. (i muhemmed!) éytqinki, «perwerdigarim méni adil bolushqa buyrudi. herbir sejde qilghanda pütünley allahqa yüzlininglar, allahqa ixlas bilen ibadet qilinglar, siler allah deslepte peyda qilghan halitinglarda (eslige) qaytisiler»[29]. allah (silerdin) bir guruhni hidayet qildi؛ yene bir guruhqa gumrahliq tégishlik boldi. shübhisizki, ular allahni qoyup, sheytanlarni dost tutqan turuqluq özlirini toghra yolda guman qilidu[30].