iyordaniye melikisi türkche ögenmekte
iyordaniye melikisi rahme bint el hesen yünüs emre insitituti teripidin échilghan kurslarda türkche ögenmekte.
türkiye awazi radiyosi xewiri: yünüs emre insitituti nurghunlighan döletlerge türkiye kültürini tonutush üchün körsitiwatqan tiérshchanliqliri dairiside, türk tili maaripini oxshash bolmighan xelqler arisida qanat yaydurushta utuqqa érishti.
yünüs emre insititutining iyordaniyede achqan türkche kursilirigha bolghan qiziqish, peqet türkiyede oqushni xalaydighanlar yaki türkiyege sayahetke bérishni xalaydighanlar bilenla cheklinip qalmastin, padishah ailisigiche kéngeydi.
padishah 2 – abdullahning taghisining qizi melike rahme bint el hesenmu özige oxshash yüzligen oqughuchilar bilen birlikte yünüs emre insititutining türkche kursigha qatnashmaqta.
yünüs emre insititutining amman shöbisi mudiri chengiz eroghlu iyordaniyediki türk tilgha bolghan qiziqishning omumen qilip éytqanda, intayin yoquri ikenlikini, hazirning özidila 200 oqughuchining ammandiki kursta türkche oquwatqanliqini éytti.
bu sangha yene, iyordaniye we el yumruk uniwérsitétidiki yüzligen türk tili oqughuchilirinimu qoshushqa bolidighanliqini tekitligen chengiz eroghlu, tejribilik türk tili oqutquchiliri bolghanliqi sewebidin iyordaniyeliklerning asasen dégüdek yünüs emre insititutining kürslirini tallawatqanliqini bildürdi.
chengiz eroghlu iyordaniyelik oqughuchilarning köpinchisining oqushlirini türkiyede dawamlashturushni xalaydighanliqini shunga türk tili öginiwatqanliqini, biraq sayahet sahesiningmu türk tiligha bolghan qiziqishqa muhim töhpisi barliqini hemde yéqinqi yillardin buyan iyordaniyelik sayahetchiler sanining körinerlik derijide yuqiri örligenlikini qeyt qildi.
