«tirilish ertughrul» téléwiziye tiyatiri amérikida
amérika qoshma ishtatlirining niyu jérsé ishtatining brunswik rayonidiki niyu brunswik islam merkizide qurban héyt munasiwiti bilen türkiyede qoyulghan «tirilish ertughrul» téléwiziye tiyatiri namliq tebriklesh paaliyiti ötküzüldi.
türkiye awazi radiyosi xewiri: paaliyet dairiside «tirilish ertughrul» téléwiziye tiyatiridiki pérsonazhlarni teqlid qilip, tarixiy kiyim – kécheklerni kiygen halda paaliyetke qatnashqan köp sandiki chong – kichik kishiler «türk chédirliri» teriqiside layihelengen üstellerde kütüwélindi.
buningdin bashqa yene, musulman méhmanlar üchün «türk bégi» ning texti hazirlandi.
osmanli impériyesi tarixi we 13 – esirdiki osmanli beglikining qurghuchisi osman begning atisi ertughrul ghazi tonushturulghan qisqa filimning qoyulushi bilen bashlanghan paaliyet, « TRT World » teripidin hazirlanghan «tirilish ertughrul» téléwiziye tiyatiri tonushturulghan widéoning körsitilishi bilen dawamlashti.
«tirilish ertughrul» téléwiziye tiyatirigha asasen qoyulghan tiyatir oyunidin kéyin, «qilich qalqan etriti» «tirilish ertughrul» téléwiziye tiyatirining hemme yaxshi köridighan muzikisigha tengkesh qilip maharet körsetti.
«tirilish ertughrul» téléwiziye tiyatiridiki pérsonazhlarning kiyim – kécheklirini kiygen chong – kichik kishilerning körsetken maharetliri tamashibinlarning qizghin alqishigha érishti.
paaliyettin kéyin méhmanlargha türk taamliri, tatliq – turumliri we ayran ékram qilindi.
