awstiriye bash ministiri: dölettiki jamelerni taqiwétimiz
awstiriye bash ministiri we ongchil awistiriye xelq partiyesi rehbiri sebastian kurz dölettiki 7 jameni taqaydighanliqlirini we birqanche imamni chégradin qoghlap chiqiridighanliqlirini jakarlidi.
988900
türkiye awazi radiyosi xewiri: awstiriye bash ministiri sebastian kurz bu heqte élan qilghan bayanatida, qararning dölettiki diniy xadimlar tekshürülgendin kéyin chiqirilghanliqini ilgiri sürüp mundaq dédi: «parallél jemiyetlerge, siyasiy islamgha we radikallishishqa dölitimizde yer yoqtur. bu heqte chiqirilghan qarargha asasen, dölettiki 7 jameni taqaymiz we birqanche imamni chégradin qoghlap chiqirimiz.»
u ilgirimu sotsiyal démokratlar partiyesi wiyénna sheherlik hökümiti teripidin musulman jemiyetlerge bériliwatqan dölet yardemliri heqqide toxtalghanda, «bu jemiyetlerge qarita téjeshlik bolush lazim» dégenidi.