traktor bilen sizilghan resim pütün dunyaning diqqitini tartti
italiye bir déhqan özining étizigha traktor bilen 135 métirliq resim sizdi.
türkiye awazi radiyosi xewiri: italiyening shimalidiki wénéto rayonida bir déhqan traktori bilen rusiye pirézidénti wiladimir putinning resimini sizip chiqti.
dario gambarin isimlik déhqan étizliqini orap bolghandin kéyin, gérmaniyening hamborg shehiride 7 – iyuldin 8 – iyulghiche ötküzülidighan g 20 döletler guruhi aly derijilik rehberler yighinigha atap, étizliqigha putining 135 métirliq resimini yantu qarap turghan shekilde sézip chiqti.
dario gambarin g 20 döletler guruhi yighinida dunya rehberlirining bir yerge jem bolidighanliqini bildürüp, «hemmeylen bu uchrishishning iqtisad we köchmenlik saheside saqliniwatqan mesililerning hel qilinishgha yol échishini ümit qilimiz. söhbetlishishke tégishlik nurghun mesiler bar. mesilen؛ ukraina, süriye we yadroluq qorallar meslisi, buningdin bashqa yene amérikidiki saylamlargha rusiye arilishiwaldi... dégendek eyibleshler» dédi.
dario gambarin buningdin ilgirimu amérika pirézidénti barak obama, koba inqilabining rehbiri fidel kastiro, katolik xiristiyanlarning diniy rehbiri papa firanjis we bashqa siyasiy rehberler bilen ataqliq shexislerning resimlirini sizghan idi.
