sultan 2 – abdulhemid xan körgezmisi échildi
darulajizadede «tughulghanliqining 174 – yili sultan 2 – abdulhemid xan we uning hakimiyet yürgüzgen dewri» namliq foto süret körgezmisi échildi.
türkiye awazi radiyosi xewiri: türkiye büyük millet mejlisi milliy saraylar komitéti teripidin ötküzülgen körgezmide, fotograflarning neziride osmanli impériyesining 34 – padishahi sultan 2 – abdulhemid xan dewrining bilinidighan we bilinmeydighan terepliri eks ettürülmekte.
türkiye büyük millet mejlisi muzéychiliq we tonushturush ishliri komitétining muawin mesuli fahrettin gün körgezmining échilishida qilghan sözide, muzéy tetqiqatliri heqqide xizmet ishliniwatqanliqini, eng qisqa waqit ichide yildiz shalening 1 – qewitining «sultan abdulhemid xan muzéyigha özgertilidighanliqini, sultan abdulhemid xanni téximu yaxshi tonushturushning zörürlükini tekitlep mundaq dédi: «sultan abdulhemid xan yéqindin buyan hem téléwiziyelerdiki téléwiziye tiyatirlirida hem tarqitish paaliyetliride küntertipke kelmekte. sultan abdulhemid xan we bashqa tarixiy shexslirimiz bilen obdan tonushup chiqqinimizda, bu kelgüside bizning yolimizni yorutup béridighan nurluq chiraghqa aylinidu.»
darulajize mesuli hemze chebejimu tarixtin tejribe – sawaqlarni yekünleshning zörürlükini tekitlep mundaq dédi: «hazirqi dewrni yaxshi chüshinelishimiz üchün, aldi bilen sultan abdulhemid xan dewrini obdan bilishimizge toghra kélidu.»
igilinishiche, körgezme 30 – martqiche dawamlishidiken.
