amérikida musulman bir doxtur hujumgha uchridi

türkiye awazi radiyosi xewiri: ikki pay oq tekken doxtur jiddiy qutquzush bölümide bolup, hujum hiyustin shehiridiki «medrise islamiyye mesjidi nur» jamesining aldida meydangha keldi.

jame bayanatchisi muhemmed imaduddin yerlik taratqulargha bergen bayanatida bildürüshiche, bamdat namizigha kelgen doxtur mashinisini kochining bir chétida toxtitip qoyup, jamege qarap kétiwatqanda hujumgha uchrighan, sheherning nöwettiki weziyiti intayin qorqunchluq bolup, bir hepte ichide musulmanlar nishan qilinghan nurghun hujumlar yüz bergen.

shahitlarning bildürüshiche, niqabliq zorawanlar aldi bilen doxturgha pichaq tiqiwetken, arqidin oq chiqarghandin kéyin qéchip ketken.

igilinishiche, dölet xewpsizlik küchliri weqedin kéyin tekshürüsh élip bérishqa bashlighan.