seudi erebistan tereqqiyat fondi türkiye bilen qerz kélishimi imzalidi
seudi erebistan tereqqiyat fondi türkiye bilen 55 milyon dollarliq yéngi qerz kélishimi imzalighanliqini élan qildi.
türkiye awazi radiyosi xewiri: seudi erebistan tereqqiyat fondi bayanat élan qilip, mezkur qerzning «hökümet mektepliridiki yer tewresh xewpini azaytish türi»ge ishlitilidighanliqini bildürdi.
istanbulda ötküzülgen türkiye-seudi erebistan sélinma we soda munbiride imzalanghan kélishim dairiside élinidighan qerz kölimi texminen 55 ming kiwadrat métir kélidighan 5 ammiwi mektepni eslige keltürüsh ishlirigha serp qilinidu.
bu arqa körünüshte, tür dairisige kirgüzülgen mektepler yer tewresh sewebidin kélip chiqishi mumkin bolghan xeterlerdin qoghdilidiken؛ mekteplerge kéreklik üsküniler we meblegh ajritilip, maarip süpiti we ünümining izchilliqigha kapaletlik qilinidiken.
seudi erebistan tereqqiyat fondi meblegh salghan bu tür, fondining türkiye bilen bolghan daimliq hemkarliqini ilgiri sürüshtiki yéngi bir burulush nuqtisgha wekillik qilidu.
bu tür oqughuchilarni süpetlik maarip muhitigha ige qilip, döletning ijtimaiy, iqtisadiy tereqqiyatigha töhpe qoshushni meqset qilidu. bu tür yene birleshken döletler teshkilatining «süpetlik maarip» maddisini öz ichige alghan sijil tereqqiyat nishanining emelge éshishi nuqtisidinmu muhim.
türkiyening maarip sahesini qollash we döletning dunyawi maarip muhiti yaritish nishanigha hemdem bolushni meqset qilghan seudi erebistan tereqqiyat fondi, yéqinqi 40 yildin buyan türkiyediki énérgiye, sehiye, déhqanchiliq we maarip qatarliq sahelerning 300 milyon dollardin ashidighan 9 tereqqiyat türi we pirogrammisini meblegh bilen teminlidi.
مۇناسىۋەتلىك خەۋەرلەر
türkiyening méwe – chéwe we köktat ékisporti ashti
türkiye 4-ayda 211 milyon 494 ming dollarliq méwe – chéwe we köktat éksport qildi.
türkiyening éksporti yanwar-aprél aylirida ashti
türkiyening 54 shehirining ékisporti yanwar-aprél aylirida körünerlik ashti.
