dunyada baylarning bayliqi ikki hesse köpeygen

türkiye awazi radiyosi xewiri: engliye yardem jemiyiti oksfam (Oxfam) dunyada aldinqi qatarida turidighan kishiler dunya iqtisad munbirigha qatnishish üchün shiwiyétsariyening dawos shehirige barghan waqitta élan qilinghan doklatqa asaslanghanda, mezkur besh kishining mal-mülki 2020-yili 405 milyard dollar bolghan bolsa, ötken yili (2023) 869 milyard dollar yetken.

dunya miqyasida körülüwatqan barawersizlik sewebidin élan qilinghan oksfam jemiyitining yilliq doklatida, 2020-yildin buyan dunyadiki 5 milyard kishining téximu namratlashqanliqi bildürüldi.

doklatta qeyt qilinishiche, dunya iqtisadi wuxen wirusi qatarliq nurghun kirizisqa duch kelgen bolsimu, milyardérlarning mal-mülki yéqinqi töt yilda 3.3 milyard dollar köpeygen. eng bay kishiler we shirketler aksiye bazarliridiki ösüsh sewebidin köp paydigha érishken we téximu küchlengen.

doklatta ilgiri sürülishiche, iqtisadiy tereqqiyat we hemkarliq teshkilati (OECD) gha eza döletlerdiki shirketler 1980-yili %48 etrapida shirket béji töleydighan bolup, 2022-yilgha kelgende bu reqem %23.1 ke chüshken.

doklatta, bay-kembeghellik otturisidiki perqning chongiyishi bilen, kelgüsi 10 yil ichide dunyada tunji tiriliyonérning chiqishi mumkin iken. bu ehwal dawamlashqanda bolsa, dunyadiki kembeghellikning 229 yil dawamlishidighanliqi toghrisida agahlanduruldi.

doklatta buni hel qilish charisi süpitide, dunyadiki milyonér we milyardérlarning mal-mülkige qarita her yili 1.8 tiriliyon dollar kirim tapawet béji ijra qilish otturigha qoyuldi.