iran bilen rusiye özara sodida yerlik pul ishlitish kélishimi imzalidi

türkiye awazi radiyosi xewiri: iran resmiy xewer agéntliqi IRNA ning iran merkiziy bankasini menbe qilghan xewirige asaslanghanda, rusiyede ikki döletning merkiziy banka bashliqliri otturisida ötküzülgen yighinda dollarni özara sodidin chiqirip tashlash kélishimi tüzülgen.

amérika émbargolirigha uchrighan iran bilen rusiye bankalirining buningdin kéyin yerlik pul bilen soda qilalishi üchün pul yötkesh sistémisiSWIFT ni tashlap, bankalar ara ayrim sistémilarni ishlitidighanliqi bildürüldi.

iran bilen rusiye 2022-yili 7-ayda özara sodida amérika dollirining ornigha yerlik pul ishlitishni pilanlighanliqini élan qilghan idi.

iran rehbiri ayetullah eli hameni 2022-yili 19- iyulda rusiye pirézidénti wladimir putin bilen téhranda körüshüp, xelqara sodida dollardin waz kéchish kéreklikini otturigha qoyghan we «dollar asta-asta yer sharining soda yolidin chékinishi kérek» dégen idi.

putinmu amérikaning dollarni bésim qorali süpitide ishlitishke urunuwatqanliqini tilgha élip, iran bilen rusiyening soda munasiwetliride öz döletlirining pullirini ishlitish yollirini pilanlaydighanliqini éytqan idi.

iran 25 - dékabirda rusiye riyasetchilik qilghan yawro-asiya iqtisadiy birleshmisi (EAEU) bilen erkin soda kélishimi imzalighan idi.