türkiye - özbékistan soda hejimi 3.5 milyard dollargha yetti

türkiye awazi radiyosi xewiri: muawin jumhur reis yilmaz paytext enqeede ötküzülgen türkiye – özbékistan soda munbiri yighinidiki sözide, 5 milyard dollarliq soda nishanining qisqa waqit ichide emelge ashidighanliqini éytti.

özbékistan import eng köp mehsulat éksport qilidighan döletler ichide türkiyening üchinchi orunda turidighanliqini tekitligen yilmaz, özlirining bu tizimliktiki orunlirini téximu yuqiri kötüridighanliqlirini tekitlidi.

u sözini dawamlashturup: «bizning özbékistan bilen bolghan ikki tereplik sodimiz 3 milyard 500 milyon dollargha, özbékistangha salghan meblighimiz 1 milyard 500 milyon dollargha yetti. nöwette 1700 din artuq shirkitimiz özbékistanning oxshimighan rayonlirida paaliyetlirini dawamlashturmaqta» dégenlerni qeyt qildi.

ikki dölet otturisidiki soda nishanining 5 milyard dollar qilip békitilgenlikige isharet qilghan muawin jumhur reis yilmaz: «soda dunyasining qollishi bilen, xudayim buyrusa, biz bu nishangha pat yéqinda yétip, yéngi nishan belgileymiz» dégenlerni sözlirige ilawe qildi.