кәмбәғәл дөләтләр рекорт сәвийәдә қәрз төлигән
кәмбәғәл дөләтләр өткән йили (2022) 88.9 милйард долларлиқ рекорт сәвийәдә дөләт қәрзини төлиди.
түркийә авази радийоси хәвири: дунйа банкаси хәлқара қәрз доклати елан қилип, қәрз елиш малийәтлириниң ешиши билән кәмбәғәл дөләтләрниң қәрз киризиси хәтиригә дуч кәлгәнликини билдүрди.
доклатта, кәмбәғәл дөләтләрни қоллиған хәлқара тәрәққийат бирләшмисидин қәрз елишқа мувапиқ 75 дөләтниң 2022-йили 88.9 милйард долларлиқ рекорт сәвийәдә қәрз төлигәнлики қәйт қилинди.
мәзкур дөләтләрниң йеқинқи 10 йилда қәрз өсүминиң төт һәссә өрләп, өткән йили тарихтики әң йуқири сәвийә болған 23.6 милйард долларға йәткәнлики билдүрүлгән доклатта, 2023- вә 2024-йиллири әң кәмбәғәл 24 дөләтниң җәмий қәрз төләш малийәтлириниң %39 кичә өрлишиниң тәхмин қилиниватқанлиқи әскәртилди.
доклатта йәнә, дунйада өсүм нисбәтлири йуқири өрләватқан бир вақитта, тәрәққий қиливатқан дөләтләрниңму 443.5 милйард долларлиқ рекорт дәриҗидики қәрзини төлигәнлики қәйт қилинди.
доклатта, тәрәққий қиливатқан дөләтләрниң әсли қәрз вә өсүмни өз ичигә алған қәрзлирини алдинқи йил (2021) ға селиштурғанда %5 өрлигәнлики билдүрүлди.
төвән киримлик дөләтләрниң тәхминән %60 ниң йуқири өсүмлүк қәрз қийинчилиқиға дуч келиватқанлиқи йаки аллибурун бу хәтәрниң ичидә икәнлики қәйт қилинди.
مۇناسىۋەتلىك خەۋەرلەر
голландийәниң сайаһәт парахоти аланйаға кәлди
голландийәниң «остердам» намлиқ сайаһәт парахоти анталйа вилайитиниң аланйа наһийәсигә кәлди.