shimshek: girétsiye bilen türkiye téximu küchlük hemkarliq ornitishqa teyyar

 türkiye awazi radiyosi xewiri: ministir shishek ammiwi ortaqlishish tor bétidiki sehipiside, «5 – nöwetlik türkiye – girétsiye istratégiyelik aliy hemkarliq kéngishi yighini» heqqide ingliz tilida élan qilghan  bayanatida, atinada chaqirilghan 5 – nöwetlik türkiye – girétsiye istratégiyelik aliy hemkarliq kéngishi yighinigha qatnashqanliqlirini, girétsiye hökümitining özlirini qizghin qarshi alghanliqi we méhmandostluqidin intayin xursen ikenlikini eskertti.

shimshek girétsiye ziyaritining nahayiti muweppeqiyetlik ötkenlikini tekitlep mundaq dédi:  

«girétsiye iqtisad we maliye ministiri kostis xatzidakis bilen élip barghan uchrishishlirim we uning bilen iqtisadiy mesililerde ötküzgen söhbitim intayin muweppeqiyetlik  boldi. girétsiyening dölitimizning yawropa ittipaqigha eza bolush musapisini qollighanliqigha minnetdarmiz. köp jehettin oxshash we özgiche alahidiliklerge ige türkiye bilen girétsiye téximu küchlük hemkarliq ornitishqa teyyardur. jümlidin biz türkiye bilen girétsiye otturisidiki munasiwetlerni téximu tereqqiy qildurushni töt köz bilen kütüwatimiz.»