amérika rusiyening musadire qilinghan bir qisim mal - mülüklirini ukrainagha ötküzüp béridu
amérika awam palatasi tashqi ishlar komitéti rusiyening musadire qilinghan bir qisim mal - mülüklirini ukrainagha ötküzüp bérish toghrisidiki qanun layihesini qollidi.
türkiye awazi radiyosi xewiri: mezkur qanun layihesi yene «xelqaraliq tölem méxanizmi» ornitilip, amérikaning chet ellik shérikliri bilen masliship, rusiye meblighini ukrainagha ötküzüp bérishnimu öz ichige alidu.
qanun layihesige asasen, rusiyening mal – mülükliri üstidiki qamalni bikar qilish moskwa tölem tölep, herbiy qisimlirini ukraina zéminidin chékindürgendila mumkin bolidu. bir mezgil ilgiri, amérika tashqi ishlar ministiri antoni blinkén gherb döletlirining musadire qilinghan rusiye meblighini ukrainagha ötküzüp bérishning qanuniy yollirini muzakire qiliwatqanliqini élan qilghanidi.
séntebirning béshida, antoni blinkén rusiye sodigerlirining 5 milyon 400 ming dollirining kiyéwgha bérilidighanliqini élan qilghanidi. amérika maliye ministirliqining sanliq melumatlirigha qarighanda, rusiyening oxshimighan döletlerdiki musadire qilinghan mülüklirining omumiy sommisi 280 milyard dollargha yétidiken.
rusiye pirézidéntliq mehkimisi — krémil rusiye mal-mülükliri üstidiki qamalning héchqandaq aldinqi shertsiz bikar qilinishini telep qilmaqta؛ kirémil bayanatchisi dimitriy péskow buningdin ilgiri bayanat bérip, bu xil qedemlerning xelqara qanunning barliq qaidilirige xilapliq qilghanliq bolidighanliqini otturigha qoyghanidi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.