shirinje «unyaning eng yaxshi sayahet yéziliri» tizimlikige kirdi

türkiye awazi radiyosi xewiri: özbékistanning semerqent shehiride dawamlishiwatqan b d t dunya sayahetchilik teshkilati(BMDTÖ)  ning 25-nöwetlik omumiy kéngishide «2023-yilliq dunyaning eng yaxshi sayahet yéziliri» ning tizimliki élan qilindi.

medeniyet we tebiiy bayliqliri,  medeniyet bayliqlirini qoghdash we qollash, sijil iqtisadi, ijtimaiy sijilliqi, muhit sijilliqi, sayahetchilikining tereqqiyati, ul-esliheliri, sehiye, bixeterliki we jemiyet amanliqi qatarliq katégoriyelerde eng yaxshi yézilarni tallashqa, 260 iltimas sunuldi.

qazaqistanning sati, özbékistanning shentob we türkiyening shirinje yézilirini öz ichige alghan 54 yéza «2023-yilliq dunyaning eng yaxshi sayahet yéziliri» ning tizimlikige kirdi.

yéshilliqqa pürkelgen taghning étikige qurulghan, zeytun derexliri saye tashlap turidighan tash yatquzulghan kochiliri, tamliri aq rengde boyalghan öyliri alahide közge chéliqidighan shirinje yézisi, türkiyede yéza sayahetchilikide bashlamchiliq rol oynawatqan jaylarning biri hésablinidu.

bahar aylirining deslepki künliride künige 4 ming kishi yézini sayahet qilidu.

efes qedimkiy shehiri, meryem ana chérkawi, kushadasi (qush arili) portigha yéqin bolushtek alahidiliki bilen muhim sayahet orunlirining birige aylanghan we «dunyaning eng yaxshi sayahet yéziliri» mukapatigha layikq körülgen shirinje ahaliliri, «mukapat yézining dangqini dunyagha tonitidu» dep ishenmekte.