b d t türkiyening iqtisadiy tereqqiyat mölcherini östürdi
birleshken döletler teshkilati soda we tereqqiyat konféransi (UNCTAD) türkiyening bu yilqi (2023) iqtisadiy tereqqiyat mölcherini % 2.6 tin % 3.7 ke östürdi.
türkiye awazi radiyosi xewiri: birleshken döletler teshkilati soda we tereqqiyat konféransi dunya iqtisadigha munasiwetlik doklatining öktebir sanini élan qildi.
doklatta bildürülüshiche, dunya iqtisadining éshish süriti bultur %3 bolup, 2023-yili astilap %2.4 ke töwenleydiken.
birleshken döletler teshkilati soda we tereqqiyat konféransi dunya iqtisadigha munasiwetlik doklatining aprél sanida, dunya iqtisadining bu yilqi éshish süritining %2.1 bolidighanliqi mölcherlengenidi.
birleshken döletler teshkilati soda we tereqqiyat konféransining doklatida, 2023-yili türkiyening iqtisadiy tereqqiyat mölcheri %2.6 tin %3.7 ke östürüldi. amérika qoshma ishtatlirining bu yilqi iqtisadiy tereqqiyat mölcheri bolsa %0.9 tin %2 ke özgertildi.
doklatta, yawropa ittipaqining iqtisadiy tereqqiyat mölcheri %0.4 ke, xitayning iqtisadiy tereqqiyat mölcheri %4.6 ge, gérmaniyening iqtisadiy tereqqiyat mölcheri %0.6 ge chüshürüldi.
