türkiye 2026-yili yuqiri kirimlik ​​tereqqiy tapqan döletler qatarigha kiridu

türkiye awazi radyosi xewiri: xezine we maliye ministiri mehmet shimshek türkiyening bu yil texminen 1 tirilyon 100 milyard dollarliq iqtisadiy küchke aylinidighanliqini bildürüp: «türkiye 2026-yilida dunya bankisining teripi boyiche <kirimi yuqiri tereqqiy tapqan döletler>  qatarigha kiridu» dédi.

xelqara türk soda kéngishi 10- nöwetlik qurultiyi istanbulda dawamlashmaqta.

ministir mehmet shimshek paaliyetning daghdughiliq kechlik ziyapitide söz qilip, dunyaning töwen éshish basquchida ikenlikini eskertip؛ «kelgüsi 5 yilda yer shari iqtisadining éshish nisbitining texminen %3 etrapida bolidighanliqi mölcherlenmekte. chünki dunya intayin chong qerzge patqan bolghachqa  iqtisadiy éshishmu cheklik bolmaqta.  nopusning qérip kétishimu éghir bir mesile. sélinmilardimu bir qeder töwen yüzlinish bar. ishlepchiqirish ünimimu töwen kétip barmaqta. bularning hemmisini nezerde tutqinimizda, iqtisadiy éshish cheklik bolmidighanliqi éniq» dédi.

mehmet shimshek téximu muhimi dunyada intayin éghir géopolitikiliq yimirilish mewjutluqini bildürüp,  «yeni dunya yéqinqi yillardin buyan yüz bergen chong toqunushlar sewebidin qoghdinish xaraktérliq bir siyasette yolini dawamlashturidighandek qilidu» dédi.

mehmet shimshek yéqindin buyan türkiyening géopolitikiliq muhim orni bilen teminlesh liniyesi jehette ewzellikke érishkenlikini tekitlidi.

mehmet shimshek bu yil türkiyening texminen 1 tirilyon 100 milyard dollarliq iqtisadiy küchke  aylinidighanliqini tekitlep: «türkiye 2026-yili dunya bankisining teripi boyiche yuqiri kirimlik ​​tereqqiy tapqan döletler qatarigha kiridu» dédi.