qachir jenubiy koréye aptomobil shirketlirining mesulliri bilen körüshti
türkiye sanaet we téxnologiye ishliri ministiri mehmet fatih qachir jenubiy koréyede xiyunday guruhi, LG éléktron shirkiti we samsung guruhining mesulliri bilen körüshüp, türkiyege meblegh sélish pursetliri toghrisida muzakire élip bardi.
türkiye awazi radiyosi xewiri: ministir qachir ammiwi ortaqlishish tor bétidiki sehipiside élan qilghan bayanatida, 24-nöwetlik dunya uchur munbiri yighinigha qatnishish üchün yétip barghan jenubiy koréyening paytexti séulda élip barghan uchrishishliri heqqide melumat berdi.
qachir türkiyening qurulmisi küchlük sanaet jehettiki ul esliheliri, éksport jehettiki yoshurun küchi, layaqetlik adem küchi bayliqi, yéngi téxnologiyelik meblegh sélishning toghra adrési ikenlikini tekitlep mundaq dédi: «siyasiy we iqtisadiy muqimliq yer shari markilirining türkiyege meblegh sélish qiziqishini ashurmaqta. yuqiri téxnologiyelik mehsulatlarni ishlepchiqirish we éksportimizni ashurush üchün xelqaraliq sélinmilarni dölitimizge téximu küchlük jelp qilishni nishan qiliwatimiz.»
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
