lagardé merkiziy bankilarning pul paxalliqining aldini élish tedbirliri toghrisida toxtaldi
yawropa merkiziy bankisi (ECB) reisi kiristina lagardé, merkiziy bankilarning özara alaqini kücheytip, pul paxalliqi nishanigha yétishining intayin muhimliqini otturigha qoydi.
türkiye awazi radiyosi xewiri: yawropa merkizi bankisi reisi lagardé yawropa iqtisad we pul- muamile merkizi teripidin londonda uyushturulghan söhbet yighinida söz qilip, pul paxalliqini azaytishta hel qilghuch tedbirlerni qollinish bilen birlikte, ottura mezgillik pul paxalliqi mölcherining pütkül jeryan boyiche muqim turushigha kapaletlik qilish üchün, özara küchlük alaqe ornitishningmu muhimliqini tekitlidi.
«hazir bizningmu bashqa merkiziy bankilargha oxshash, pul paxalliqining heriketlendürgüch küchi we uzun muddetlik ikenlikini töwen mölcherlep qoyghanliqimizni étirap qilishimiz muhim» dégen lagardé, lékin, bu mesililerni muzakire qilish üchün mölcherlesh musapiliride pilanlargha özgertishlerni kirgüzgenliklirini bildürdi.
merkiziy bankilarning ünümlük alaqe tilidin paydilinip, qarashlirini qayil qilarliq shekilde amma bilen ortaqlishishi kéreklikige isharet qilghan lagardé, sözini dawamlashturup: «pul paxalliqining ottura mezgilde bizning %2 lik nishanimizgha qaytip kélidighanliqini ishenchlik shekilde otturigha qoyush, özlükidin hasil bolghan pul paxalliqi dinamikliri (mölcherliri)ning muqimliship qélishining aldini élishqa yardemchi bolush nuqtisidin, ilgiriki her qandaq waqitqa qarighanda, téximu muhim» dégenlerni qeyt qildi.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
