türkiye soda ministiri bolat iraqta ziyarette boldi
dölitimiz (türkiye jumhuriyiti) soda ministiri ömer bolat dost we qérindash dölet iraq bilen bolghan munasiwetni her sahede, bolupmu soda, meblegh sélish, höddigerlik we eshya oboroti qatarliq sahelerde téximu yuqiri sewiyege kötüridighanliqlirini éytti.
türkiye awazi radiyosi xewiri: ministir bolat özining ijtimaiy alaqe supisidiki adrésida uchur hembehrilep, özining baghdad ziyaritini iraq muawin bash ministiri, qoshumche pilanlash ishliri ministiri muhemmed eli temim bilen ikki tereplik söhbet ötküzüsh bilen bashlighanliqini bildürdi.
türkiyening aldinqi qatardiki soda dunyasi wekillirining hemrahliqida élip barghan iraq ziyariti jeryanida, özara meblegh sélish we soda miqdarini téximu ashurush yolida tashlinidighan konkrét qedemlerni muzakire qilghanliqlirini eskertti.
«biz tamozhna, import we qéliplashturush sahesidiki mölcherimizni yetküzüsh pursitige érishtuq. biz yene höddigerlirimizning iraqning ul eslihe qurulushi, yéngi sheher we yéngi rayonlarning qurulushigha qoshidighan töhpisi heqqide pikir almashturduq. dost we qérindash dölet iraq bilen soda, meblegh sélish, höddigerlik we eshya oboroti qatarliq her sahediki munasiwetlirimizni téximu yuqiri sewiyege yetküzimiz» dégenlerni qeyt qildi.
