türkiye wéngiriye bilen tebiiy gaz ékisporti qilish kélishimi imzalidi

türkiye awazi radyosi xewiri: turuba yoli bilen néfit yetküzüsh shirkiti (BOTAŞ) ning bayanatida, türkiyening énérgiye sahesidiki istratégiyelik nishani we tebiiy gazda merkiziy dölet bolush tesewwurigha asasen, botash shirkiti bilen wéngriye énérgiye shirkiti «MVM CEEnergy» otturisida tarixiy ehmiyetke ige tebiiy gaz éksport kélishimining imzalanghanliqi bildürüldi.

bayanatta, tünügün wéngiriyede ötküzülgen murasimda, énérgiye we tebiiy bayliqlar ministiri alparslan bayraqtar we wéngriye énérgiye ministirliqining ammiwi bashqurush meslihetchisi shundaqla  «MVM CEEnergy» shirkitining reisi gabor chépék, botash (BOTAŞ) ning bash diréktori we mudiriyet reisi burhan özkan we «MVM CEEnergy» shirkitining yuqiri derijilik bashqurghuchisi laslo fritchning kélishimge imza qoyghanliqi bildürüldi.

bayanatta, türkiyedin wéngiriyege tebiiy gaz toshushning kéler yili (2024) din tartip bashlinidighanliqi we bu kélishimning türkiyening <«LNG» ul- esliheliri hemde ikki döletning tebiiy gaz saqlash esliheliridin ortaq menpeet ramkisi dairiside paydilinishqa dair hemkarliqnimu öz ichige alidighanliqi uqturuldi.