ministir shimshek dangliq yapon shirketlirining diréktorliri bilen körüshti

türkiye awazi radiyosi xewiri: xezine we maliye ministiri mehmet shimshek ilgiriki ismi Twitter bolghan  ammiwi ortaqlishish tor béti X sehipiside élan qilghan bayanatida, türkiyege meblegh salghan dangliq yaponiye shirketlirining diréktorliri bilen körüshkenlikini, uchrishishta mezkur diréktorlarning türkiyediki meblegh sélish muhitigha munasiwetlik pikir – teleplirini otturigha qoyghanliqini tekitlep mundaq dédi: «uchrishish nahayiti muweppeqiyetlik ötti. aldimizdiki aylarda yaponiyelik meblegh salghuchilar bilen téximu keng dairilik uchrishishlarni élip bérish üchün yaponiyeni ziyaret qilishni pilanlawatimiz. uchrishishimizgha sahibxanliq qilghanliqi we qimmetlik töhpisi üchün, yaponiyening enqere bash elchisi takaxiko katsumatagha teshekkür éytimen. dölitimizge meblegh salghan, ishqa orunlishish pursiti we qoshumche qimmet yaritidighan barliq meblegh salghuchilirimizni qizghin qollaymiz.»