türkiye déhqanchiliq sahesi tarixtiki eng yuqiri ékisport sewiyesini yaratti
déhqanchiliq sahesi 14 milyard 58 milyon dollarliq éksport bilen tarixtiki eng yuqiri ékisport sewiyesini qolgha keltürdi.
türkiye awazi radiyosi xewiri: bu yilning aldinqi besh éyida %4.8 ashqan yéza igilik éksporti türkiyening omumiy éksport sommisining %13.7 ni igilidi.
déhqanchiliq bilen shughullinidighan 10 sahening töti bu yil besh ay ichide éksport rékortini buzup tashlidi.
bu mezgilde, danliq ziraetler, mayliq uruqlar we mehsulatliri, yéngi méwe-chiwe we köktatlar, zeytun we zeytun yéghi, zinnetlik ösümlükler we mehsulatliri sahesi tarixtiki eng yuqiri ékisport sewiyesini yaratti.
döletlerge qaraydighan bolsaq, bu yilning aldinqi besh éyida danliq ziraetler, mayliq uruqlar we mehsulatliri iraqqa 837 milyon 249 ming dollarliq, yéngi méwe-chiwe we köktat sahesi rusiye fédératsiyesige 402 milyon 401 ming dollarliq, zeytun we zeytun yéghi sahesi ispaniyege 172 milyon 874 ming dollarliq, zinnetlik ösümlükler we mehsulatliri gollandiyege 19 milyon 878 ming dollarliq éksportni emelge ashurghan.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
