америкада башланған банка киризиси кеңийишкә башлиди

түркийә авази радийоси хәвири: шивийетсарийәниң «кредит сивис» (Credit Suisse) банкасиниң әң чоң шерики болған сәуди әрәбистанниң дөләт банкаси, банка үчүн мәбләғ топлийалмайдиғанлиқини җакарлиши билән, кредит сивисниң пай чеки баһаси %25 чүшүп кәтти. йавропа аксийә базарлириму буниң тәсиригә учриди. йавропаниң алдинқи қатарда туридиған банкалириниң пай чеки баһалириниң чүшүш сүрити барғансери тезләшти. коммерз банкаси (Commerzbank) 9%, датче банкаси (Deutsche) 7.8%, барфлйес (Barclays) банкаси %6.6 чүшүп кәтти.

кредит сивис тоғрисидики әндишәләрниң күчийиши сәвәбидин, шивийетсарийә мәркизий банкаси вә шивийетсарийә пул-муамилә базарлирини назарәт қилип башқуруш комитети һәрикәткә өтти.

кредит сивис шивийетсарийә мәркизий банкасидин тәхминән 54 милйард доллар қәрз алидиғанлиқини елан қилди. бу қарарниң банканиң һәрикәтчанлиқини күчәйтиш үчүн елинғанлиқи билдүрүлди.

америкада икки банка вәйран болғандин кейин, мәркизий калифорнийәгә җайлашқан «биринчи җумһурийәт» (First Republic) банкасиниң инавәт дәриҗиси чүшти.

хәлқаралиқ баһалаш оргини «S&P» банканиң узун муддәтлик инавәт дәриҗисини «A-» дин «BB +» ға чүшүрди , йәнә бир хәлқаралиқ баһалаш оргини «Fitch» уни «A-» дин «BB» ға чүшүрди.

инавәт дәриҗиси чүшүрүлгәндин кейин, биринчи җумһурийәт банкасиниң пай чекиниң қиммити %20 дин артуқ төвәнлиди.