nebati 20 – g guruhi tor yighinigha qatnashti
xezine we maliye ministiri nureddin nebati 20 – g guruhigha eza döletlerning maliye ministirliri we merkiziy bankasi bashliqliri tor yighinigha qatnashti.
1950890
türkiye awazi radiyosi xewiri: ministir nebati ammiwi ortaqlishish tor bétidiki sehipiside élan qilghan bayanatida, nöwetchi reislik wezipisini hindistan ötewatqan 20 – g guruhining tunji nöwetlik maliye ministirliri we merkiziy bankasi bashliqliri tor yighinigha qatnashqanliqini uqturdi.
nebati yighinning türkiyege ayrilghan qismida, 6 – féwral küni qahramanmarash qatarliq türkiyening 11 wilayitide yüz bergen yer tewresh apiti heqqide 20 – g guruhi ezalirigha melumat bergenliklirini eskertip mundaq dédi:
«yighinda xelqara jemiyetning dölitimizni qollash yolida hazirghiche körsetken tirishchanliqlirigha rehmet éyttuq, hemde buningdin kéyinki basquchtimu hemkarliq asasida heriket qilishimizning zörürlükini tekitliduq.»
