türkiye 47 döletke mal éksport qilghan

türkiye awazi radiyosi xewiri: türkiye éksportchilar mejlisining melumatlirigha asaslanghanda, türkiyening éksporti 2022-yili aldiqi yiligha (2021) sélishturulghanda %12.9 éship, 254 milyard 209 milyon 535 ming dollargha yetken.

türkiye 1 milyard dollardin artuq mal éksport qilghan döletlerning sani 43 tin 47 ge chiqti. jenubiy afriqa jumhuriyiti, bélarusiye, türkmenistan we shimaliy qibris türk jumhuriyiti bu tizimlikke kirdi. 47 döletke qilinghan jemiy éksport miqdari 189.3 milyard dollargha yetti.

eng mal éksport qilighan döletlerning arisida 18.91 milyard dollar bilen gérmaniye birinchi, 14.36 milyard dollar bilen amérika ikkinchi, 12.25 milyard dollar bilen engliye üchinchi orunda, italiye 11.23 milyard dollar bilen tötinchi, iraq 10.48 milyard dollar bilen beshinchi orunda turdi.

türkiye eng köp mal éksport qilghan aldinqi 10 döletning ichidiki qalghan besh dölet bolsa, tertipi boyiche,ispaniye, firansiye, rusiye, gollandiye we isirailiye boldi.

ruméniye, polsha, bulghariye, bélgiye, misir, ereb birleshme xelipiliki, marakesh, xitay, girétsiye we liwan bazarliri eng alqishqa érishken bazarlar boldi.

ötken yili (2022) jenubiy afriqagha qilinghan éksport %97, liwangha qilinghan éksport %64.2 we rusiyege qilinghan éksport %45, shimaliy qibris türk jumhuriyitige qilinghan éksport %39.3, giruziyege qilinghan éksport %33.9, qatargha qilinghan éksport %31.8, ruméniyege qilinghan éksport %30.2, hindistangha qilinghan éksport %21.8, bulghariyege qilinghan éksport %21.4, bélarusiyege qilinghan éksport %21.1 ashqan.

sérbiye, gollandiye, aljiriye, polsha, iraq we tunis qatarliq döletlermu, türkiyening éksporti éshiwatqan döletler qataridin orun alghan.