rusiye gaz éksportining töwenligenlikini étirap qildi

türkiye awazi radiyosi xewiri: rusiye énérgiye shirkiti gazprom tebiiy gaz éksportining yanwar-öktebir mezgilide ötken yilning (2021) oxshash mezgilige sélishturulghanda %42.6, ishlepchiqirish miqdarining %18.6 azayghanliqini bildürdi.

gazpromning bu heqtiki bayanatida bildürülishiche, shirketning 10 ayliq tebiiy gaz ishlepchiqirish miqdari ötken yilning (2021) oxshash éyigha sélishturulghanda %18.6 aziyip 344 milyard kub métirgha töwenligen. bu mezgilde shirketning musteqil döletler birleshme gewdisidin bashqa döletlerge tebiiy gaz éksportimu ötken yilning oxshash mezgilige sélishturulghanda %42.6 aziyip 91.2 milyard kub métirgha chüshken.

bayanatta, yawropadiki yer asti tebiiy gaz iskilatlirining tolush nisbitining yuqiri bolushining, qish peslini bixeter halda ötküzüshni kapaletke ige qilmaydighanliqi eskertildi.

bayanatta yene, tebiiy gazgha bolghan telepning yilning 10 éyida 40 milyard kub métirdin artuq töwenligenliki, yawropa ittipaqi bilen engliyening 40 milyard kub métirliq telepning aziyishida %95 hessisining barliqi bildürüldi.