türkiye dölet shirketlirining cheteldiki meblighi 46 milyard 500 milyon dollargha yetti

türkiye awazi radiyosi xewiri: muawin jumhur reis fuat oktay aljiriyening oran shehiride bir türkiye shirkitining polat-tömür sanaiti aljiriye ishlepchiqirish bazisini ékiskursiye qilip, mesulardin melumat aldi we bu ishlepchiqirish bazisidiki türkiyelik ishchilar bilen körüshti.

fuat oktay türkiyening aljiriye bilen bolghan munasiwetlirining yalghuz ikki döletningla emes, belki turushluq pütün rayonning tinchliqi, muqimliqi we güllinishi üchün kem bolsa bolmaydighanliqini tekitlep, «dunyaning herqaysi jaylirida bizge wekillik qiliwatqan ishchilirimizdin pexirlinimiz, 2021-yilining axirighiche, dölitimiz shirketlirining cheteldiki meblighi 46 milyard 500 milyon dollargha yetti. buningda shimaliy afriqa döletlirining omumiy ülüshi %4.1 etrapida boldi. bügünki künde türkiyening aljiriyege salghan meblighi 5 milyard dollargha yetti. bu meblegh téximu örleshni dawamlashturmaqta» dédi.

muawin jumhur reis fuat oktay yene, oran shehiridiki olimpik tenterbiye sariyida ötküzülgen 19 -  nöwetlik aq déngiz tenheriket musabiqisining échilish murasimigha qatnashti.

fuat oktay échilishtin ilgiriki ziyapette, pirézidént abdulmejid tébbun we qatarning emiri tamim bin hamid es-sani bilen körüshti. ziyapettin kéyin musabiqe ötküzülidighan tenterbiye zaligha bardi. tenterbiye zalida bashqa dölet bashliqliri bilen échilish murasimini közdin kechürdi.

19 – nöwetlik aqdéngiz tenheriket musabiqisigha 24 oxshimighan tür boyiche türkiyedin 321 tenheriketchi qatnashmaqta.