rusiye yawropa siyasetchilirining émbargo yürgüzüshke ittiriwatqanliqini ilgiri sürdi

türkiye awazi radiyosi xewiri: rusiye muawin bash ministiri aléksandir nowak moskwada muxbirlarning soallirigha jawab bérip, rusiyeni eyiblesh sewebidin «1-shimaliy éqim» mesiliside qedem tashlash mumkinliklirini bildürdi.

u yawropaning qararigha jawaben tebiiy gaz turuba yolidin gaz yetküzüshni üzüp tashliyalaydighanliqlirini eskertip: «1-shimaliy éqimdin gaz yetküzüshke nisbeten her qandaq émbargo yürgüzüsh hoquqigha igimiz. biraq, hazirghiche bu toghrida qedem tashlimiduq. buning héchkimge paydisi yoq. yawropa siyasetchiliri bayanatliri bilen bizni buninggha qistawatidu» dédi.

rusiye «1-shimaliy éqim» linyesidin baltiq déngizi arqiliq gérmaniyege yilda 55 milyard kub métir tebiiy gaz yetküzidu.

aléksandir nowak néfit bahasi üstide toxtilip, rusiyening yilliqi 500 milyon tonna néfit istémal qilidighan yawropaning muhim néfit teminligüchisi ikenlikini tekitlep: «bir waril néfit bahasining 130 dollardin ashqanliqini körduq. bahaning örlishini texmin qilghili bolmaydu. bir waril 300 dollar yaki uningdinmu yuqiri bolidu. yawropa bazirida rusiye néfitining ornigha bashqisini téz sürette tépish mumkin emes. buninggha bir qanche yil kétidu we yawropadiki istémalchilar üchün téximu qimmet bolidu» dédi.