türkiyening sayahetchilik kirimi ashti

türkiye awazi radiyosi xewiri: türkiye istatistika idarisi 2021-yilning tötinchi charikige we pütkül yilgha munasiwetlik sayahetchilik istatistika reqemlirini élan qildi.

buninggha asaslanghanda, sayahetchilik kirimi 2021-yili aldinqi yil (2020) gha sélishturulghanda %103 éship 24 milyard 482 milyon 332 ming dollargha yetken.

ötken yil (2021) qi kirimning 19 milyard 679 milyon 915 ming dollirini xususiy xirajetler, 4 milyard 802 milyon 417 ming dollirini pirogrammiliq sayahet xirajetliri teshkil qilidu.

bu mezgilde kishi béshigha otturiche kéchilik xirajet 66 dollar, chet elliklerning otturiche kéchilik xirajiti 73 dollar, chet ellerde yashaydighan puqralarning otturiche kéchilik xirajiti 50 dollar bolghan.

türkiye chégrasidin chiqqan sayahetchiler sani 2021-yilda aldinqi yilgha sélishturulghanda %85.5 éship 29 milyon 357 ming 463 kishige yetken.

bularning %85 ni (23 milyon 940 ming 21 kishi) chet ellikler, %18.5 ni (5 milyon 417 ming 442 kishi) chet ellerde yashaydighan kishiler teshkil qildi.