түркийәниң сайаһәтчилик кирими ашти

түркийә авази радийоси хәвири: түркийә истатистика идариси 2021-йилниң төтинчи чарикигә вә пүткүл йилға мунасивәтлик сайаһәтчилик истатистика рәқәмлирини елан қилди.

буниңға асасланғанда, сайаһәтчилик кирими 2021-йили алдинқи йил (2020) ға селиштурулғанда %103 ешип 24 милйард 482 милйон 332 миң долларға йәткән.

өткән йил (2021) қи киримниң 19 милйард 679 милйон 915 миң доллирини хусусий хираҗәтләр, 4 милйард 802 милйон 417 миң доллирини пирограммилиқ сайаһәт хираҗәтлири тәшкил қилиду.

бу мәзгилдә киши бешиға оттуричә кечилик хираҗәт 66 доллар, чәт әлликләрниң оттуричә кечилик хираҗити 73 доллар, чәт әлләрдә йашайдиған пуқраларниң оттуричә кечилик хираҗити 50 доллар болған.

түркийә чеграсидин чиққан сайаһәтчиләр сани 2021-йилда алдинқи йилға селиштурулғанда %85.5 ешип 29 милйон 357 миң 463 кишигә йәткән.

буларниң %85 ни (23 милйон 940 миң 21 киши) чәт әлликләр, %18.5 ни (5 милйон 417 миң 442 киши) чәт әлләрдә йашайдиған кишиләр тәшкил қилди.