tramp washingtondiki méhmansariyini satmaqchi

türkiye awazi radiyosi xewiri: b b s amérika sabiq pirézidénti trampning washingtondiki méhmansariyini 375 milyon dollargha satidighanliqini xewer qildi.

xewerde bildürülishiche, trampning paytext washingtondiki aile shirkitining méhmansarayning sétilishi üchün merkizi miamigha jaylashqan meblegh shirkiti «CGIMerchant Group» bilen kélishim hasil qilghan.

xewerde, méhmansarayning 375 milyon dollargha sétilishi üchün kélishim hasil qilinghanliqi we méhmansarayni resmiy ötküzüp bérish ishlirining 2022-yilning deslepki charikide béjirilidighanliqi؛ méhmansaray sétilghandin kéyin, ismining woldorf astoriya (Waldorf Astoria) gha özgertilidighanliqi we xilton (Hilton) guruhi teripidin bashqurulidighanliqi qeyt qilindi.

xewerde, 60 yilliq ijare toxtami bolghan méhmansaray üchün 2019-yildin buyan xéridar chaqiriwatqanliqi eskertildi.

 amérika kéngesh palatasida, tramp üstidin méhmansaraygha munasiwetlik tekshürüsh élip bérilghan idi.

tekshürüshte, tramp pirézidént bolghan mezgilde méhmansarayning 70 milyon dollar ziyan tartqanliqi we chet el hökümetliridin 3.7 milyon dollar heq tapshuruwalghanliqi éniqlanghan idi.

tramp aile shirkiti tekshürüshning kishilerni qaymuqturush üchün qilinghanliqini ilgiri sürgen idi.

aqsaraydin bir qanche kocha arqigha jaylashqan méhmansaray 2016-yili séntebirde échilghan idi.

méhmansaray binasi 2012-yili tramp aile shirkiti teripidin sétiwélinghan bolup, tramp jumhuriyetchilerning pirézidént namzati bolghandin kéyin, méhmansaraygha özgertilip xizmetke kirishtürülgen idi.