rusiyelik ékatérina kowalchuk türkiyening sayahet sahesige töhpe qoshmaqta

türkiye awazi radiyosi xewiri:  ékatérina kowalchuk kowid-19 yuqumi mezgilide, rusiye we etraptiki döletlerdin sherqiy qara déngiz rayonigha sayahetchilerni teshkillep,  rayonning tonulishigha hesse qoshmaqta.

kowalchuk 13 yil ilgiri rusiyening noworossiysk shehiridin türkiyege til öginish üchün kelgen idi. bu mezgilde türkiyege meptun bolghan kowalchuk istanbulda yashashqa bashlidi.

kowalchuk bolupmu sherqiy qara déngiz rayonigha bolghan mestaniliqi sewebidin ijtimaiy alaqe torida özini «kayta qara déngiz» dep tonutti. ijtimaiy taratqularda qara déngizning süretlirini daim hembehirlesh arqiliq rayonni tunushturusshqa tirishti.

rusiye, ukraina, bélorusiye we özbékistan qatarliq döletlerdin sayahetchilerning bu rayongha kélishige we tebiet menziriliridin toluq huzurlinishigha yardemchi boldi.

telepke asasen ijtimaiy alaqe torida uyushturghan sayahet pilanliri bilen rusiye we etraptiki döletlerdin kelgen sayahetchilerge sherqiy qara déngiz rayonida yétekchilik qildi. yuqum mezgilide rayongha 4 künlük sayahetlerni teshkilligenlikini éytti.

kowalchuk türkiyege yéqin we rus tilida sözlisheleydighan döletlerdin kelgen sayahetchilerning yuqum mezgilide sherqiy qara déngizni tallighanliqini eskertip, qara déngizning yuqiri bahagha érishkenlikini éytti.