istanbul ayrodurumi ayropilan seperliride aldinqi orunda turghan

türkiye awazi radiyosi xewiri: yawropa ayropilan seperliri bixeterlik teshkilatining 2021-yili yanwardin aprélghiche bolghan töt ayliq ayropilan seperliri doklatigha asaslanghanda, istanbul ayrodurumida 63 ming 64 ayropilan sepiri emelge ashqan.

bu ayropilan seperliri 2021-yilining aldinqi töt éyida yawropada eng köp ayropilan sepiri qilinidighan ayrodurum dep bilinidighan istanbul ayrodurumidin kéyin, 59 ming 921 ayropilan sepiri bilen «parizh charléz dégol ayrodurumi» (Paris Charles de Gaulle) ikkinchi rette turghan. amstérdam shpol ayrodurumi (Amsterdam Schiphol) üchinchi orunda, frankfurt ayrodurumi 52 ming 464 ayropilan sepiri bilen tötinchi orunda, madrid barajas ayrodurumi (Madrid Barajas) 42 ming 543 ayropilan sepiri bilen beshinchi orunda turghan.

istanbul ayrodurumining bu heqtiki bayanatida: «dunyadiki awiyatsiye merkiziy bolush süpitimiz bilen chiqqan bu yolimizda, 2021-yilining deslepki töt éyida yawropada aldinqi orunni igellep, yawropaning eng köp ayropilan sepiri qilinghan ayrodurumi bolduq. bu sherep hemmimizge mensup» déyildi.