türkiye mawritaniyediki éhtiyajliq aililerge yardem qolini sundi
türkiye diniy ishlar idarisining riyasetchilikide chet ellerdiki türklerning ianisi bilen teyyarlanghan insanperwerlik yardem buyumliri mawritaniyening brakna rayonida yashawatqan éhtiyajliq aililerge yetküzüp bérilmekte.
türkiye awazi radiyosi xewiri: türkiye diniy ishlar idarisi we diyanet ishliri türk – islam birlikining gérmaniyediki wakaletxanisining uyushturushi bilen, mawritaniyede qiyin sharaitlarda yashawatqan musulmanlargha yardemchi bolush meqsitide chet ellerde insanperwerlik yardem seperwerlik paaliyetliri élip bérilmaqta.
seperwerlik paaliyetliri dairiside toplanghan ianeler bilen teyyarlanghan insanperwerlik yardem buyumliri qachilanghan yéshiklarning bir qismi, mawritaniyening paytexti nwakshotning texminen 400 kilométir jenubidiki sénégal chégrasigha jaylashqan brakna rayonida yashawatqan éhtiyajliq aililerge ytküzüp bérilishke bashlandi.
rayondiki xelqning qizghin alqishi bilen qarshi élinghan türkiyening nwakshot elchixanisi diniy xizmetler ishliri bölümining meslihetchisi remzi yarba bilen türkiye diniy ishlar idarisi we dinayet ishliri türk – islam birlikining gérmaniyediki wakaletxanisining mesulliri, insanperwerlik yardem buyumliri bilen türlük hediyelerni éhtiyajliq aililerge tarqitip berdi.
igilinishiche, mesullar türlük rayonlarda insanperwerlik yardem paaliyetlirini ramizan éyidimu izchil dawamlashturidiken.
مۇناسىۋەتلىك خەۋەرلەر
türkiyening éksporti yanwar-aprél aylirida ashti
türkiyening 54 shehirining ékisporti yanwar-aprél aylirida körünerlik ashti.
türkiyening findiq éksporti ashti
türkiyening 8 ayliq findiq (orman yangiqi) ékisporti 1 milyard 600 milyon dollargha yéqinlashti.
