ghaziantep dunyaning mashina gilem éhtiyajining yérimini qamdimaqta
ghaziantepning dunya éhtiyajliq mashina gilemlirining yérimini ishlepchiqiridighan sheherge aylanghanliqi élan qilindi.
türkiye awazi radiyosi xewiri: türkiye éksportchilar mejlisi (TIM) gilem sanaiti heyitining reisi salahattin qaplan élan qilghan bayanatida, gilem saheside türkiyening künsiri téximu yuqiri nopuzluq orungha ötkenlikini we bu nuqtidin ghaziantepning bashqiche qimmiti barliqini éytti.
tarix boyiche nurghun medeniyetlerge sahibxanliq qilghan türkiyening eng muhim sanaet we soda merkezliridin birsi ghaziantep ikenlikini tekitligen salahattin qaplan: «türkiye mashina gilem saheside dunya boyiche eng chong ishlepchiqarghuchidur we buningda ghaziantepning sel qarashqa bolmaydighan hessesi bar. dunya mashina gilem sodisining %70 ni dölitimiz we buning %53 i ghaziantep teripidin ishqa ashurulmaqta» dédi.
salahattin qaplan bu sahening kelgüsidin zor ümit barliqini bildürüp, «éksportta körünerlik utuqlarni qolgha keltürgen türkiye gilemchiliri bu yilmu intayin ümidwar. bultur kowid-19 yuqumigha qarimay, xizmetlirini qetiy irade bilen dawamlashturghan we 2.6 milyard dollardin köprek éksport nishanini ishqa ashurghan gélem saheyimiz, 2021-yili bu nishanni 3 milyard dollargha yetküzüshni meqsat qilmaqta» dédi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
