mask «dunya boyiche eng katta bay» gha aylandi

türkiye awazi radiyosi xewiri: tésla shirkitining pay cheklirining qimmiti tünügün% 5 tin artuq örlishi, shirketning xojayini élon maskni «dunya boyiche eng katta bay 500 shexs» ichide birinchi orungha yükseldürdi.

bilumbérg milyardérlar körsetküchige asaslanghanda, mask 188 milyard 500 milyon dollarliq bayliqi bilen, 2017-yili öktebirdin buyan, «dunya boyiche eng katta baylar» tizimlide aldinqi qatardin orun élip kéliwatqan, amazonning qurghuchisi jéf bézosni arqida qaldurup, birinchi retke tizilghan.

tésla shirkitining pay cheklirining qimmiti yéqinqi bir yil ichide közge körünerlik derijide örlishi, maskning bayliqining 150 milyard dollar éshishigha sharait hazirlap berdi. bu shirketning pay chekliri ötken yili% 743 ashqan.

mask aldinqi ayda ishqa ashurulghan téléwiziye söhbiti jeryanida qilghan sözide, özining mal – mülükke anche köngül bölüp ketmeydighanliqini, tésla we SpaceX shirketliridiki pay chekliridin bashqa mal-mülüklirining az ikenlikini eskertish bilen bir waqitta, bayliqining asasliq nishanining, insaniyetning alem boshluqigha seper qilish medeniyitining süritini tézleshtürüshni ishqa ashurush ikenlikini qeyt qilghanidi.

«dunya boyiche eng katta bay 500 shexs» ning bayliqliri, 2020-yili texminen 1 tirilyon 800 milyard dollar éship, jemiy 7 tirilyon 600 milyard dollargha yetkenidi.