xongkong amérikaning marka shertige naraziliq bildürdi

türkiye awazi radiyosi xewiri: «jenubiy xitay seher pochtisi géziti» de élan qilinghan xewerde bildürülishiche, dunya soda teshkilatining jenwediki omumiy kéngesh yighinida, xongkong wekili lawri lo washington hkümitidin mezkur shertni emeldin qaldurushni telep qilghan.

lawri lo amérikani dunya sehiye teshkilatining ezasi bolush süpitide mesuliyitini ada qilip, wediside turushqa, teshkilatning marka teweliki mesilisidiki belgilimilirige boysunushqa chaqirdi.

u séntebir (2020) de washington hökümitige mezkur shertni emeldin qaldurush toghrisida iltimas sunghanliqlirini, biraq hazirghiche jawab alalmighanliqlirini bildürüp, xongkong karxanichiliri mehsulatigha öz markisining uchurlirini chaplishining ornigha, «xitay mehsulati» dégen söz bar markini qoyushqa mejburlanghan ehwalda, ixtilapni hel qilsh üchün tekshürüsh méxanizmini heriketke keltürüsh meqsitide, dunya soda teshkilatigha iltimas sunidighanliqlirini eskertti.

amérika hökümiti béyjing hökümiti yolgha qoyghan yéngi dölet bixeterlik qanunigha naraziliq bildürüp, xongkongdin import qilinghan mehsulatlargha «xitay mehsulati» dégen söz bar markini bésishni mejburiy yolgha qoyidighanliqini uqturghan idi.

mezkur tedbirning, xongkongning «alahide soda salahiyiti» ni emeldin qaldurush ramkisida yolgha qoyulidighanliqi eskertilgen idi.

xongkong hökümiti tünügün (2020-yili 14-öktebir) bayanat élan qilip, xongkongning xitay chong quruqluqidin ayrim tamozhna rayoni bolush salahiyitini yoq hésablighanliqini, mezkur belgilimining her ikki tereptiki shirketler we xéridarlar üchün kéreksiz yük bolushqa seweb bolidighanliqini bildürgen idi.