дунйада чоңлуқи иккинчи орунда туридиған бир алмас тепилди
җәнубий африқаға җайлашқан ботсванадики бир канда тарихтин буйан тепилған дунйадики иккинчи чоң алмас тепилди.
түркийә авази радийоси хәвири: мәркизий канададики лукара (Lucara) ширкити каров (Karowe) канидин 1758 каратлиқ хам алмас тепилғанлиқини елан қилди.
билдүрүлишичә, қиммити вә сүпитини билиш үчүн тәкшүрүш елип бериливатқан болуп, мәзкур алмас ботсванада һазирғичә тепилған әң чоң, дунйада болса, йеқинқи тарихта тепилған иккинчи чоң алмас болуш алаһидиликигә игә икән. теннис топ чоңлуқидики бу хам алмасниң еғирлиқи 352 гирам келидикән.
ботсванадики орапа канида йеқинқи вақитта наһайити кәм учрайдиған көк рәңлик бир алмасму тепилған иди. дунйада әң чоң алмас 1905-йили җәнубий африқада тепилған болуп 3106 каратлиқ җуллийан алмиси иди.
مۇناسىۋەتلىك خەۋەرلەر
голландийәниң сайаһәт парахоти аланйаға кәлди
голландийәниң «остердам» намлиқ сайаһәт парахоти анталйа вилайитиниң аланйа наһийәсигә кәлди.
