kuweyt iraqtin tölemning ornigha tebiiy gaz élishni qarar qildi
kuweytning iraqtin alidighan urush tölimining bir qismining ornigha kuweytke tebiiy gaz éksport qilish teklipini maqullighanliqi bildürüldi.
türkiye awazi radiyosi xewiri: kuweyt néfit, éléktir we su ishliri ministiri isam elmerzuq, gérmaniye démokratik jumhuriyiti (sherqiy gérmaniye) bilen fédératip gérmaniye jumhuriyiti (gherbiy gérmaniye) birleshkenlikining 27 yilliqini tebriklesh munasiwiti bilen kuweytning gérmaniyediki elchixanisida ötküzülgen murasimgha ishtirak qildi. u, murasim jeryanida bayanat bérip, «alidighan tölemning bir qisimining ornigha iraqtin tebiiy gaz sétiwélishni maqulliduq» dédi.
merzuq, tereplerning bahagha alaqidar muzakirilirining dawamlishiwatqanliqini bildürüsh bilenla kupayilinip, mesilige alaqidar bashqa tepsilatlarni ashkarilimidi.
b d t tölem komitéti, 2013 – yili iraqning 1990 – yilidiki ishghal herikiti jeryanida buzghunchiliqqa uchrighan kuweytke 1 milyard 240 milyon dollar tölem tölishi toghrisida qarar maqullighanidi.
hazirghiche iraq kuweytke 43 milyard 500 milyon dollar tölem töligen bolup, kuweyt néfit orginining ziyanlirini toldurush meqsitide yene 1 milyard 240 milyon dollar tölem tölishi qarar qilinghanidi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
