mehmet shimshek t r t muxbirining soallirigha jawab berdi

türkiye awazi radiyosi xewiri: muawin bash ministir mehmet shimshek türkiye radiyo-téléwiziye (t r t) idarisi muxbirining soallirigha jawab berdi. u türkiyening adalet we tereqqiyat partiyesi (AK Parti) hökümitigiche bolghan uzun musapide qatmalliship ketken yuqiri nisbetlik pul paxalliqigha duchar bolup kelgenilkini eskertip, qattiq tirishchanliq körsitish arqiliq pul paxalliqi nisbitini bir xaniliq sangha chüshürgenliklirini, biraq herbiy-siyasiy özgirish qozghashqa urunush herikitidin kéyinki bir yilda otturigha chiqqan tashqi péréwottiki égiz-peslik we yémek-ichmek bahasining qismen ösüshi sewebidin pul paxalliqi nisbitining waqitliq ikki xaniliq sangha örligenlikini bildürdi.

mehmet shimshek: «yéqinqi künlerde tashqi péréwotta körülgen muqim weziyet we yémek-ichmek komitétida yolgha qoyulghan tedbirler netijiside, pul paxalliqi nisbitini bu yil axirida yene qayta %10 din töwenleydu dep oylawatimiz. nishanimiz pul paxalliqini qayta bir xaniliq reqemge chüshürüsh, buni emelge ashurush tamamen mumkin» dédi.

u yémek-ichmek komitétining yémek-ichmek bahasini muqimlashturush üchün bu yil (2017) ünümlük xizmetlerni ishligenlikini, bezi mehsulatlarning chégra bajlirini qaytidin tengshigenlikini bildürdi.

u türkiye-yawropa ittipaqi munasiwetliri heqqide soralghan soalgha: «yawropada türkiye mesilisini ichki siyaset üchün paydilinish urunushlirini heyranliq ichide közetmektimiz, bu ehwal heqiqetenmu kishining könglini yérim qilidu» dédi.

u türkiyening yawropada yéngi aktiyor emeslikini eskertti we: «bezi döletlerde ichki siyaset talash-tartishlirining bir parchisi süpitide bizdin paydilinish tirishchanliqlirini heyranliq ichide közetmektimiz, inshaallah saylam atmosférasi axirlashqanda eqil bilen ish qilar» dédi.

u süriyelik musapirlarning sani köp bolghan shehelerge qarita yolgha qoyulidighan yéngi siyasetler toghrisida toxtilip, süriyelik musapirlarning her qaysi sheherlerge bolghan tesirining muhim nuqtigha kelgenlikini bildürdi. u buni eng töwen chekke chüshürüsh üchün köp tirishchanliq körsitiwatqanliqlirini, u sheherlerge ul-muessese qurulushlirida aldin ehmiyet bériwatqanliqlirini, meblegh sélish, maarip we sehiye xizmetlirige qarita türlük tedbirlerni yolgha qoyuwatqanliqlirini qeyt qildi.