Moody’s  türkiyening iqtisadiy tereqqiyat mölchirini yükseldürdi

türkiye awazi radiyosi xewiri: Moody’s  teripidin bu heqte élan qilinghan «yer shari xaraktérlik iqtisadiy tereqqiyat ehwaligha nezer» namliq  doklatta, türkiyening iqtisadiy ehwali toghruluq mundaq déyildi: «türkiye iqtisadiy jehettin 2016 – yilining axirqi charikide qaytidin janlanghanidi, 2017 – yilning deslepki yérimidimu dawamliq tereqqiy qildi. buninggha asasen türkiyening iqtisadiy tereqqiyat mölchiri % 2.6 tin % 3.7 ke yükseldürüldi. 2018 – yili texminen % 3.2 tereqqiy qilishi kütülmekte.»

doklatta, türkiyening iqtisadiy tereqqiyatining mölcherdikidinmu yüksek sewiyede tereqqiy qilish sewebining, rusiye we israiliyedin kelgen sayahetchiler sanining köpiyishi, bajni töwenlitish we kirédit kapaliti qatarliq siyasetlerning yolgha qoyulushi, baha riqabiti dairiside yawropa ittipaqigha qiliniwatqan éksportning éshishi ikenliki eskertildi.

doklatta yene, aprél éyida ötküzülgen référandumdin kéyin yerlik sürkilishlerning qismen azayghanliqi, türkiye lirasining bultur we bu yilning bashlirida qimmiti töwenlep ketkendin kéyin, qimmitining qaytidin yuqiri örlep, asasiy jehettin muqim halette dawamlashqanliqi qeyt qilindi.

bu yilning deslepki charikide xususiy istémal chiqimlirida bulturqining axirqi charikige sélishturghanda, yilliq nisbette % 5.7 tin % 5.1 ke töwenlesh körülgenliki bildürüldi.

doklatta, 20 – g guruhi ellirining otturiche iqtisadiy tereqqiyatining bulturqi % 2.6 sewiyesidin bu yil we kéler yili % 3 sewiyesige yüksilishining kütülüwatqanliqi eskertildi.

Moody’s  bash diréktor yardemchisi éléné dogér doklat heqqide toxtalghanda mundaq dédi: «yer shari xaraktérlik iqtisadiy tereqqiyat muqim halette dawamlashmaqta. heyran qalarliq melumatlar <xitay, firansiye, gérmaniye, italiye, yaponiye, jenubiy koréye, méksika we türkiyening bu yilqi iqtisadiy tereqqiyati yuqiri> dep baha bérishimizde türtklik rol oynidi. chünki mezkur döletlerning iqtisadiy tereqqiyatining  2018 - yilimu izchil dawamlishidighanliqigha dair ochuq - ashkara isharetler bar.»